TV ЧАТ  -тай холбоотой нэгэн хэргийг цагдаагийнхан илрүүлсэн нь 41 настай Ч-гийн аминд хүрсэн хэрэг байжээ. 80 настай ээж нь архи уудаг хүүгээ номхруулах санаатай танилдаа мөнгө өгөн зодоод өгөөч гэж гуйжээ. Гэтэл цаадах нь ТВ чаатаар “40 орчим насны эрэгтэй хүн зодуулж мөнгө өгнө” гэсэн зар явуулж. Зарын дагуу барилгын коллежийн хэдэн оюутан зарын дагуу ажилаа гүйцэтгэхдээ хэтрүүлсэний улмаас 41 настай эр зүй бусаар хорвоог орхисон байна.

                Бас нэг асуудал байгаа. Энэ нэвтрүүлэг нь садар самууны жинхэнэ талбар болж таарч байна. Та нар уншсан байх.“Мөнгөтэй өнөө орой шоудах залуус байна. Сонирхсон охид call me” “Дажгүй 3 охин байна мөнгөтэй залуус залга” гэх мэт зар зөндөө явдаг. Бидний дотор нь орох шахдаг мэдээллийн хэрэгслээр дамжан гэмт хэрэг үйлдэгдэж байна. Энэ нь хүний наймааны гэмт хэрэгийн явагдах таатай нөхцөл нь болж.

"Монголын эмэгтэйчүүдийн сан”-гаас тус нэвтрүүлэгийн талаар судалгаа хийжээ. Энэ судалгааны үр дүнд телевизийн чаат нэвтрүүлэгээр хүний наймаа явагддаг гэсэн дүн гарчээ. Нэг телевизийн чаатд 1600 орчим мессеж ирдэг. Тэдний 89% нь садар самууныг сурталчилсан мэдээлэл, зар байдаг гэсэн тооцоо гарсан байна. Чаатд нэг мессеж 300 төгрөгийн үнэтэй. Тэгвэл өдөрт 1600 орчим мессеж хүлээн авдаг телевизүүдэд чаат нэвтрүүлэг нь 480000 төгрөгийн орлого олдог байна. Цагдаа нар чаатуудад хяналт байгаа хэдий ч садар самууны зар мессежүүд явагдсаар л байна. Өдөрт хагас сая орчим төгрөгийн орлого сул шахуу орлого олдог нэвтрүүлэгээ телевизүүд бас тэр ч бүр хаахыг хүсэхгүй байх л даа. Гэхдээ олон нийтийн мэдээллийн хэрэгслийн ёс зүйг бодвол муу муухайг дэлгэрүүлсэн энэ нэвтрүүлэгээ нэн даруй хаачмаар байна.

                      Өсвөр насны хүүхдийн хүмүүжил, ёс суртахуунд муугаар нөлөөлж гэмт хэрэгтнүүдийн дам хамтрагч болсон ТВ чаатууд аль хэдийнээ үхэл дуудсан. ТВ чаат нэвтрүүлэгийг ХААЯ, ЗОГСООЁ, ХОРИГЛОЦГООЁ!!!!!!!!!!!!